जाजरकोट भूकम्पपीडितलाई राष्ट्रपतिले १ महिनाको तलब दिने
कागजपत्र |
काठमाडौं – राष्ट्रपति रामचन्द्र पौडेलले भूकम्प पीडितलाई एक महिनाको तलब दिने भएका छन् ।
भूकम्पपीडितको सहयोगका लागि राष्ट्रपति पौडेलले एक महिनाको तलब दिने निर्णय गरेका हुन् ।
राष्ट्रपतिले भूकम्पपीडितका लागि प्रधानमन्त्री दैवीप्रकोप उद्धार कोषमा एक महिनाको तलब उपलब्ध गराउने उनको सचिवालयले जनाएको छ ।
जाजरकोट केन्द्र भई गत शुक्रबार गएको भूकम्पले जनधनको क्षति भएको थियो।
राष्ट्रपति पौडेल मंगलबार भूकम्प प्रभावित क्षेत्र पुगेर फर्किएका थिए।
