इरानविरुद्ध नेपालको २७४ रनको जित
कागजपत्र |
काठमाडौं – एसीसी यू–१९ प्रिमियर कपको खेलमा नेपालले इरानविरुद्ध शानदार जित हात पारेको छ ।
नेपालले विशाल ३५४ रन पछ्याएको इरान ३०.५ ओभरमा ७९ रनमा समेटिएपछि नेपालले शानदार जित हात पारेको हो ।
दीपेश कँडेल र सुवास भण्डारीको अगाडी टिक्न नसकेको इरानका लागि यी दुई जनाले १६ ओभरमा १० रन दिँदै ६ विकेट लिएका थिए ।
भण्डारीले ८ दशमलव ५ ओभर बलिङ गर्दै जम्मा ६ रन दिए भने ७ ओभर बलिङ गरेका कँडेलले ४ रन मात्रै दिए ।
यस्तै ७ ओभरमा १९ रन खर्चिएर हेमन्त धामीले २ र ३ ओभरमा २७ रन खर्चिएर आकाश चन्दले २ विकेट लिए ।
यसअघि टस हारेर पहिलो ब्याटिङ गरेको नेपालले कप्तान देव खनालको शतकको मद्दतमा ४०=१ ओभरमा सबै विकेट गुमाएर ३५३ रन बनाएको थियो ।
