

पार्टी र पदका आधारमा भ्रष्टाचारी उम्कन पाउँदैन, कानुन सबैलाई बराबर हुन्छ : गृहमन्त्री

काठमाडौं ( उपप्रधान तथा गृहमन्त्री नारायणकाजी श्रेष्ठले कमिसनतन्त्र र भ्रष्टाचारको जालोले राजनीतिलाई जवर्जस्त रुपमा गाँजेको बताएका छन् । भ्रष्ट्राचार तथा अनियमितताका घटनामा तथ्य प्रमाणले भेटेका जो सुकैलाई नछाड्ने बताएका हुन् ।
पुष्पलालको ४६ औं स्मृति दिवसका अवसरमा पुष्पलाल मित्रता केन्द्रले सोमबार काठमाडौँमा गरेको कार्यक्रममा बोल्दै गृहमन्त्री श्रेष्ठले भ्रष्टाचार र कमिशनतन्त्रको अन्त्य गर्न जरुरी रहेको बताएका छन् । उनले पार्र्टी र पदको आधारमा भ्रष्टाचारीहरु कारर्बाहीबाट उम्कनो गरेकोमा अब त्यो छुट नपाउने बताएका छन् ।
उनले भ्रष्टाचारको साङ्लोमा राजनीति बेरिएकाले त्यसलाई भत्काएर राजनीतिलाई सफा नगरी देश बदल्न नसकिने भएकाले पहिलो काम त्यसलाई बनाउनुपर्ने बताए । मन्त्री श्रेष्ठले विभिन्न भ्रष्टाचार काण्डहरुबारे सरकारले कदम चालिहरेको भन्दै दोषी र अपराधी नछुट्ने गरी अनुसन्धान प्रक्रिया अगाडि बढाउन निर्देशन दिएको समेत बताए ।
उनले राजनीति पार्टीका नेता, उद्यमी व्यवसायी भ्रष्टाचारमा परेर अनुसन्धान गर्न थालिए उनीहरु आफूहरुलाई कारबाही गर्ने ? भनेर कराउने प्रवृत्ति रहेको भन्दै कानुन सबैलाई बराबर हुने बताए ।
उनले भने,– ‘हामी कम्युनिस्टहरु वैज्ञानिक मान्यतामा आधारित समाजवाद भन्छौ । पुँजीवादभित्रको समाजवाद हाम्रो मान्यता होइन । समाजवाद निर्माणको बाटो के हो भन्ने पनि बहसकै रुपमा रहेको छ ।’ उनले पुँजीवादको विकल्प नै समाजवाद भएको भन्दै समाजवादमा भ्रष्टाचार हुँदैहुँदैन भन्न नसकिने बताए ।

