कीर्तिमानी आरोहीलाई उपराष्ट्रपतिको बधाई
कागजपत्र |
काठमाडौं – उपराष्ट्रपति रामसहाय प्रसाद यादवले दुवै खुट्टा नभएर पनि सर्वोच्च शिखर सगरमाथा आरोहण गर्ने हरि बुढामगर र कीर्तिमानी आरोही कामिरिता शेर्पालाई बधाई दिएका छन् ।
आज एक वक्तव्य जारी गरी उहाँले पर्वतारोही कामिरिता शेर्पाले २८औँ पटक सगरमाथा आरोहण गरी नयाँ विश्व कीर्तिमान कायम गरेकामा बधाई दिएका हुन् ।
‘यी दुई सफल हिमाल आरोही बुढाथोकी र शेर्पाको लगन, धैर्य, साहस र गौरव सबैका लागि सदैव प्रेरणाको स्रोत बन्ने विश्वास लिएको छु’, उनले बताए । उपराष्ट्रपतिले उनीहरुको उत्तरोत्तर प्रगतिको कामना गरेका छन् ।
