प्रधानमन्त्री ओली तानाशाह हुन्, यिनलाई फाल्नुपर्छ : गोविन्द केसी
कागजपत्र |
काठमाडौं – नागरिक अभियन्ता डा. गोविन्द केसीले प्रधानमन्त्री केपी शर्मा ओली तानाशाह भएको बताएका छन् । बिहीबार काठमाडौंको माइतीघर मण्डलामा पत्रकार सम्मेलन गरी उनले यस्तो बताएका हुन् ।
‘केपी ओली ताना शाह हुन्, यिनलाई जनताले फाल्नुपर्छ,’ पत्रकार सम्मेलनमा केसीले भने, ‘अहिले सर्वोच्चको इमानको परीक्षा हुँदैछ, संसद विघटन उहाँहरुले बदर गर्नुहुनेछ । ओली श्री ७ महाराज हुन्, श्रीपेचविनाका । संविधानको हत्या गर्ने उनी हत्यारा हुन् ।’
केसीले विभिन्न ३ बुँदे माग राखेर फागुन १२ गतेदेखि अनशन घोषणा गरेका छन् । उनले संसद विघटनको प्रयासबाट संविधानको रक्षा गर्नुपर्ने, संवैधानिक निकायहरुमा हालै गरिएका नियुक्ति रद्द गर्नुपर्ने, चिकित्सा शिक्षा र स्वास्थ्य क्षेत्र सुधारका लागि विगतका अनशनमा भएका सम्झौता कार्यान्वयन गर्न माग गरेका छन् ।
