क्यान्टोन्मेन्टमा भ्रष्टाचार भएको आरोप प्रमाणित भए म जेल जान तयार छुः प्रधानमन्त्री
कागजपत्र |
काठमाडौं – प्रधानमन्त्री पुष्पकमल दाहाल प्रचण्डले माओवादी लडाकुलाई राखिएको क्यान्टोन्मेन्टमा भ्रष्टाचार भएको आरोप कपोलकल्पित र पूर्वाग्रही रहेको दाबी गरेका छन् ।
यस विषयमा कसैले उजुरी गरेर छानबिन गरेर जेल जान तयार रहेको उनले घोषणा गरे । राप्रपा सांसद ज्ञानेन्द्र शाहीले सोधेको प्रश्नमा प्रधानमन्त्री दाहालले उक्त कुरा बताएका हुन् ।
क्यानोन्टमेन्टमा रहेका लडाकुलाई दिएको रकमको सबैको रेकर्ड भएको दाबी गरे ।
राज्यबाट दिएको रकम अडिट भएर टुंगो लागेको विषय पटक पटक ल्याइएर राजनीतिकरण गर्न खोजेको आरोप उनले लगाए ।
२०४८ सालपछिका भ्रष्टाचारका सबै मुद्दा छानबिन गर्न आफूहरू तयार रहेको उनले स्पष्ट पारे ।
तत्कालीन अर्थमन्त्री डा. रामशरण महतले समेत रुजु गरेका थिए ।
