हेलिकप्टर दुर्घटना : क्याप्टेनसहित ३ घाइतेलाई काठमाडौं ल्याइयो
कागजपत्र |
काठमाडौं – संखुवासभा हेलिकप्टर दुर्घटनामा घाइते भएका क्याप्टेनसहित ३ जनालाई काठमाडौं ल्याइएको छ ।
गम्भीर घाइते भएका ३ जनालाई थप उपचारका लागि हेलिकप्टरमार्फत काठमाडौं पठाइएको र अवस्था सामान्य रहेका २ जनाको भने खाँदीबारीमै उपचार गरिने जिल्ला प्रहरी कार्यालयका प्रवक्ता भुवनबाबु खड्काले बताए ।
दुर्घटनामा ५ जना घाइते भएका थिए । प्रहरीका अनुसार दुर्घटनामा घाइते हुनेहरूमा क्याप्टेन सुरेन्द्र पौडेल, सहयोगी मनोज थापा, छिरिङ भोटे, भविन गुरुङ र विद्युत् प्राधिकरणका कर्मचारी विक्रम गुरुङ छन् ।
उनीहरुलाई नेपाली सेना र नेपाल प्रहरीको टोलीले दुर्घटनास्थलबाट उद्धार गरेको हो ।
