हेटौंडा जाँदै गरेको मोटरसाइकल दुर्घटना हुँदा २ जनाको मृत्यु

काठमाडौं — मकवानपुरको भिमफेदी गाउँपालिका–६ जुरिखेतस्थित हेटौंडा–भिमफेदी–कुलेखानी–काठमाडौं सडकखण्डमा मोटरसाइकल दुर्घटना हुँदा दुईजनाको मृत्यु भएको छ।

बुधबार साँझ काठमाडौंबाट हेटौंडातर्फ जाँदै गरेको बागमती प्रदेश ०२–०२० प ४२३७ नम्बरको मोटरसाइकल आफै अनियन्त्रित भई दुर्घटना भएको जिल्ला प्रहरी कार्यलय मकवानपुरले जनाएको छ।

दुर्घटनामा मोटरसाइकल चालक बारा जिल्लाको पर्सौनि नगरपालिका–५ का २५ वर्षीय लाल बाबु सहनी र मोटरसाइकलको पछाडि बसेका सोहि स्थानका २० वर्षीय रवीन्द्र मण्डलको मृत्यु भएको हो।

मृतक दुबैजनाको शव हेटौंडा अस्पतालमा रहेको जिल्ला प्रहरी कार्यलय मकवनपुरका प्रवक्ता एवं प्रहरी नायब उपरीक्षक टेकबहादुर कार्कीले बताए।