दल आधिकारिकताका लागि निर्वाचन आयोग पुगे प्रधानमन्त्री ओली
कागजपत्र |
काठमाडौं– प्रधानमन्त्री केपी शर्मा ओली दलको आधिकारिकता दाबी गर्दै मंगलबार निर्वाचन आयोग पुगेका छन्।
आगामी मध्यावधि निर्वाचनको तयारीबारे जानकारी लिँदै दलको आधिकारिकतामा प्रधानमन्त्री ओलीको दाबी छ। नेपाल कम्युनिस्ट पार्टी र सूर्य चुनाव चिन्ह आफ्नो रहेको उनको दाबी छ।
१६ माघमा आयोगले नेकपा विवाद र निर्वाचनको तयारीका विषयमा छलफल गर्न नेकपाका दुवै पक्षलाई बोलाएको थियो ।
५ पुसमा गते प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गर्दै आगामी १७ र २७ वैशाखमा मध्यावधि चुनाव घोषणा गरेकी छन्।
सरकारले १७ वैशाखमा ४० र २७ वैशाखमा ३७ जिल्लामा निर्वाचन गर्ने निर्णय गरेको छ।
