नेकपा एसको महासचिवमा घनश्याम भुषाल, बेदुरामलाई उपाध्यक्षको जिम्मेवारी
कागजपत्र |
काठमाडौं – नेकपा एकीकृत समाजवादीले घनश्याम भुसाललाई महासचिव बनाएको छ।
पार्टी केन्द्रीय कार्यालयमा आइतबार बसेको सचिवालय बैठकले भुसाललाई महासचिव बनाउने निर्णय गरेको प्रवक्ता जगन्नाथ खतिवडाले जानकारी दिए।
यस्तै महासचिव रहेका बेदुराम भुसाललाई उपाध्यक्ष बनाउने निर्णय भएको छ। भुसाल गत पुस २९ गते नेकपा एकीकृत समाजवादीमा आवद्ध भएका थिए। भुसाल एमाले छाडेर गत मंसिर ४ को चुनावमा रुपन्देही १ मा स्वतन्त्र उम्मेदवार उठेका थिए। उनी पराजित भएका थिए।
भुसाल २०७१ मा सम्पन्न एमालेको नवौं महाधिवेशनबाट उपमहासचिव बनेका थिए। साथै २०७८ मंसिरमा भएको दसौं महाधिवेशनमा उपाध्यक्ष पराजित भएका थिए।
