सन्दीप र आशिफको उत्कृष्ठ प्रदर्शनले नेपाल विजयी

काठमाडौं – आईसीसी विश्वकप लिग टू क्रिकेटमा नेपाल पपुवा न्यु गिनी(पीएनजी)विरुद्ध विजयी भएको छ । नेपालका लागि ओपनर आसिफ शेख तथा सन्दीप लामिछानेले कीर्तिमानी साझेदारी गरेपछि पीएनजी ३ विकेटले पराजित भएको हो ।

आसिफले १३० बलमा अविजित ८६ रन बनाए । ३४औं ओभरमा नेपालले सातौं विकेट गुमाएर १०५ रन बनाएको समयमा आएका लामिछानेले शेखलाई संयमपूर्ण साझेदारी गरे।

बलर लामिछानेको ब्याटबाट नेपालका लागि ५० बलमा ३५ निस्किएको छ। नेपालका अधिकांश ब्याटरहरुले दोहोरो अंक समेत जोड्न नसकेको अवस्थामा लामिछानेले उक्त योगदान गरेका हुन्।

नेपालका लागि कुशल मल्लले २६ बलमा २३ रनको योगदान गरेर खेललाई लयमा ल्याउन सघाएका थिए। टस जितेर ब्याटिङ रोजेको पीएनजीले दिएको १८० रनको लक्ष्य दिएको थियो। नेपालले ४८ ओभरमा ७ विकेट क्षतिमा पूरा गरेको हो।