सांसदको निधनमा जसपाको झण्डा आधा झुकाइने, ३ दिन कार्यालय बन्द

काठमाडौं – जनता समाजवादी पार्टी, नेपाल (जसपा)ले सांसद सहनाज रहमानको निधनमा दुख व्यक्त गरेको छ । शनिबार केन्द्रीय कार्यालय प्रमुख प्रकाश अधिकारीले शोक विज्ञप्ति जारी गर्दै सांसद सहनाज रहमानको निधनप्रति दुख व्यक्त गरेका हुन् ।

संघीयता, गणतन्त्र, पहिचान र अधिकार प्राप्तिको आन्दोलनमा अनवरत लागेकी मधेस आन्दोलनकी अग्रणीमा रहमानको मृत्युले संघीय लोकतान्त्रिक गणतन्त्रको आन्दोलन र जनता समाजवादी पार्टी, नेपाललाई अपुरणीय क्षति पुग्न गएको विज्ञप्तिमा उल्लेख छ ।

शोकमा जसपाले पार्टीको झण्डा आधा झुकाउने र आजदेखि ३ दिनसम्म कार्यालय बन्द रहने बताएको छ ।