दोलखा महोत्सवको तयारी तिव्र

काठमाडौँ – दोलखाको सदरमुकाम चरिकोटमा आगामी फागुन १९ गतेदेखि सुरु हुन लागेको दोलखा महोत्सव २०७९ तिव्र पारिएको छ। सदरमुकाम चरिकोटको टुँडिखेलमा दोलखा चेम्बर अफ कमर्श दोलखाले फाल्गुन १९ गतेदेखि २७ गते सम्म ९ दिनसम्म महोत्सव गर्न लागिएको हो ।

दोलखा चेम्बर अफ कमर्सका अध्यक्ष विष्णु श्रेष्ठको संयोजकत्वमा २ सय ५१ सदस्यीय मूल आयोजक समिति गठन र महोत्सवलाई सफल पार्न भीमेश्वर नगरपालिकाका नगर प्रमुख ईश्वरनारायण मानन्धरको संयोजकत्वमा महोत्सव संयोजन समिति गठन गरिएकोे दोलखा चेम्बर अफ कमर्स दोलखा उपाध्यक्ष बुढाथोकीले बताए ।

२०७६ सालयता कोरोना महामारीका कारण व्यापार व्यवसाय अझै लयमा नआएको र खस्कँदो स्थितिलाई लयमा फर्काइ आर्थिक चहलपहल बढाउन महोत्सव आयोजना गर्न लागिएको उपाध्यक्ष बुढाथोकी जानकारी दिए । दोलखा महोत्सवले जिल्लामा आन्तरिक तथा बाह्य पर्यटक भित्र्याई कृषि, आर्थिक क्षेत्र उकास्न, जिल्लालाई समृद्ध बनाउन सहयोग पुग्नेमा विश्वस्त छ ।

महोत्सवमा जिल्लाका विभिन्न जातजातिहरूको प्रतियोगितात्मक झाँकीहरू, राष्ट्रिय तथा स्थानीय स्तरका कलाकारहरूको प्रस्तुति, आर्थिक, कृषि, पशु, पर्यटन र जिल्लामा जलविद्युतको सम्भावनाको बारेमा बहस छलफल गरिने र माउन्टेन फ्लाइटमार्फत जिल्लाका मनोरमस्थलका अवलोकन र अपर तामाकोशीको स्थानीयवासीको शेयर अभौतिकिकरण शिविर समेत राखिने दोलखा चेम्बर अफ कमर्स दोलखा उपाध्यक्ष बुढाथोकीले बताए । महोत्सवको स्टल बूकिङ पनि खुल्ला गरिसकिएको आयोजक पक्षको भनाई छ ।