मुम्बईमा उपचाररत सांसद भण्डारीको सबै ‘पारामिटर नर्मल’
कागजपत्र |
काठमाडौँ – ग्यास सिलिन्डर चुहिएर घाइते भएका सांसद एवम् नेपाली कांग्रेसका नेता डा। चन्द्र भण्डारीको पछिल्लो स्वास्थ्य अवस्थाको रिपोर्टअनुसार सबै ‘पारामिटर नर्मल’ रहेको देखिएको छ ।
उपचारमा संलग्न डा। धनञ्जयले दिएको जानकारी अनुसार भण्डारीको सबै पारामिटर नर्मल रहेको छ । उनको हिजो दुई वटै खुट्टाको शल्यक्रिया गरिएको थियो । सांसद भण्डारी भारतको मुम्बईमा रहेको नेशनल बर्न सेन्टरमा उपचाररत छन् ।
गएको बुधवार राति काठमाडौँको बुद्धनगरमा रहेको निवासमा ग्यास सिलिन्डर चुहिएर सांसद भण्डारी र उनकी आमा हरिकला भण्डारी घाइते भएकी थिइन् । उपचारका क्रममा आमा हरिकलाको निधन भएको थियो ।
नेता भण्डारीलाई नेपालमा यथोचित उपचार सम्भव नभएपछि फागुन ५ गते नै श्री एयरलाइन्सको विमानमार्फत भारतको मुम्बईस्थित नेशनल बर्न सेन्टरमा थप उपचारका लागि लगिएको थियो। उनका दुवै हात र दुवै खुट्टा गरी २५–३० प्रतिशत जलन भएको थियो।
