देशभर थप ६ जनामा कोरोना पुष्टी
कागजपत्र |
काठमाडौं – पछिल्लो २४ घण्टामा थप ६ जनामा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा १३०० जनाको नमुना परीक्षण गर्दा ६ जनामा संक्रमण पुष्टि भएको हो ।
३४६ जनाको पीसीआर र ९५४ जनाको एन्टीजेन विधिबाट परीक्षण गरिएको थियो ।
मन्त्रालयका अनुसार पछिल्लो २४ घण्टामा कोही पनि संक्रमणमुक्त भएका छैनन् ।
१५ जना सक्रिय संक्रमित रहेका मन्त्रालयले जनाएको छ ।
