पहिलो विदेश भ्रमण गर्दै परराष्ट्रमन्त्री विमला, आज श्रीलंका जाने
कागजपत्र |
काठमाडौं – परराष्ट्रमन्त्री विमला राई पौडेल आज श्रीलङ्का जाँदैछिन् । परराष्ट्रमन्त्री भएपछि पहिलोपटक वैदेशिक भ्रमणमा जान लागेकी मन्त्री पौडेल श्रीलङ्काको ७५औँ स्वतन्त्रता दिवसको अवसरमा समकक्षी एमयूएमअली साबरीको मैत्रीपूर्ण निमन्त्रणामा श्रीलङ्का जान लागेकी हुन्।
आउँदो शुक्रबार र शनिबार आयोजना हुने दिवससँगै स्वतन्त्रता चोकमा हुने सांस्कृतिक समारोह लङ्काराकङ्कामा परराष्ट्रमन्त्री पौडेलले सहभागिता जनाउने कार्यक्रम रहेको परराष्ट्र मन्त्रालयले जनाएको छ ।
पौडेलले श्रीलङ्काका राष्ट्रपति र प्रधानमन्त्रीसँग शिष्टाचार भेट गर्ने तथा त्यहाँको उच्च नेतृत्वसँग भेटवार्ता गर्ने कार्यसूची रहेको छ । पौडेल माघ २० गते कोलम्बो प्रस्थान गर्ने र माघ २५ गते काठमाडौँ फर्कने कार्यक्रम रहेको मन्त्रालयका सहसचिव रामप्रसाद सुवेदीले बताए ।
