बौद्ध फुलबारीमा आगलागी, हस्तकलाका सामाग्री नष्ट
कागजपत्र |
काठमाडौँ – बौद्धस्थित फुलबारीमा आगो लागेको छ । गएराति साढे १० बजेतिर ह्याण्डीक्राफ्ट बनाउने टहरामा लागेको आगो सुरक्षाकर्मीहरुले नियन्त्रणमा लिएका छन् ।
७ वटा दमकलको सहयोगमा आगलागी नियन्त्रणमा लिइएको जिल्ला प्रहरी परिसर काठमाडौंले जनाएको छ ।
आगलागीबाट ह्याण्डीक्राफ्टको सामान जलेको छ ।
तत्काल उद्दार गरेर प्रहरीले मानवीय क्षति हुनबाट रोकेको छ । हस्तकलाका सामान बनाउन प्रयोग गरिने धागो ठुलो परिमाणमा जलेको छ । आगलागीको कारण खुल्न सकेको छैन । घटनाबारे प्रहरी वृत बौद्धले अनुसन्धान गरिरहेको छ ।
