यती एयर दुर्घटनाः ४६ शव केहीबेरमा काठमाडौ ल्याइँदै
कागजपत्र |
काठमाडौं — पोखरा विमान दुर्घटनामा मृत्यु भएकाहरूको ४६ शव केही बेरमा काठमाडौं ल्याउन लागिएको हो ।
पोखरामा सनाखत हुन नसकेका र विदेशी नागरिकका शव काठमाडौं प्रहरी प्रतिष्ठानमा ल्याउन लागिएको हो । सनाखत भएका २४ शव पोखराबाटै आफन्तको जिम्मा लगाइँदैछ भने ४६ शव काठमाडौं ल्याउन लागिएको हो ।
दुर्घटनाग्रस्त विमानमा चार जना चालक दलका सदस्यसहित ७२ जना सवार रहेकोमा ७० जनाको शव फेला परिसकेको छ भने २ जनाको अवस्था अझै अज्ञात नै छ ।
आइतबार बिहान साढे १० बजे काठमाडौंबाट पोखराका लागि उडेको यती एयरको आरटीआर विमान सेती खोंचमा दुर्घटना भएको थियो ।
