अमेरिकी राजदूत र अर्थमन्त्री पौडेलबीच भेटवार्ता
कागजपत्र |
काठमाडौं – उपप्रधान एवम् अर्थमन्त्री विष्णु पौडेलसँग नेपालका लागि अमेरिकी राजदूत डीन आर. थम्पसनले भेटवार्ता गरेका छन् ।
अर्थमन्त्रालयमा भएको भेटवार्तामा राजदूत थम्पसनले पौडेललाई बधाई दिएका थिए भने पौडेलले पनि नेपालका राजदूत भएर आएकोमा थम्पसनलाई बधाई दिएका थिए ।
उनीहरुबीच द्वीपक्षीय चासो र पारस्परिक साझेदारीका लागि प्रतिवद्धता पनि व्यक्त भएको अर्थमन्त्रालयले जनाएको छ ।
यसअघि आजै राजदूत थम्पसनले उपप्रधानमन्त्री एवं भौतिक योजना मन्त्री नारायणकाजी श्रेष्ठसँग पनि भेट गरेका थिए ।
