सरकारको न्यूनतम साझा कार्यक्रम भोली सार्वजनिक गरिँदै
कागजपत्र |
काठमाडौं – प्रधानमन्त्री पुष्पकमल दाहाल प्रचण्ड नेतृत्वको सरकारको न्यूनतम साझा कार्यक्रम तयार भएको छ ।
एमाले उपाध्यक्षसमेत रहेका उपप्रधान तथा अर्थमन्त्री विष्णु पौडेल संयोजकत्वको कार्यदलको शुक्रबार बसेको बैठकले न्यूनतम साझा कार्यक्रममलाई पूर्णता दिएको जनाइएको छ ।
कार्यदलले शनिबार शीर्ष नेताहरुलाई बुझाउने जनाइएको छ । त्यसपछि शीर्ष नेतालाई बुझाइएपछि भोली नै सार्वजनिक हुने पनि जनाइएको छ ।
पुस १४ गते बसेको सत्ता साझेदार दलहरूको बैठकले न्यूनतम साझा कार्यक्रम ल्याउने कार्यदल गठन गरेको थियो ।
अर्थमन्त्री पौडेल नेतृत्वको कार्यदलमा माओवादीबाट वर्षमान पुन, रास्वपाबाट मुकुल ढकाल र राप्रपाबाट धवलशमशेर राणा र जसपाबाट रकम चेम्जोङ छन् ।
