

मोरङमा ट्याक्टर दुर्घटना हुँदा चालकको मृत्यु

विराटनगर – मोरङमा ट्याक्टर दुर्घटना हुँदा एकको मृत्यु भएको छ । पूर्वपश्चिम लोकमार्गअन्तर्गत मोरङको सुन्दरहरैँचा नगरपालिका-८ मा सोमबार राति ट्याक्टर दुर्घटना हुँदा चालकको मृत्यु भएको हो।
पूर्वबाट पश्चिमतर्फ जाँदै गरेको को १ त ५७८३ नम्बरको ट्याक्टर सीटी सफारीलाई जोगाउने क्रममा राति ८:३० बजेतिर दुर्घटनामा परेको प्रहरीले जनाएको छ। मोरङ ट्राफिक प्रमुख प्रहरी निरीक्षक राजकुमार कार्कीका अनुसार दुर्घटनामा परेर ट्याक्टर चालक बेलबारी नगरपालिका-७ का अन्दाजी ४० वर्षीय एकराज श्रेष्ठको मृत्यु भएको हो।
गम्भीर घाइते भएका श्रेष्ठको उपचारका क्रममा विराटनगरको नोबेल शिक्षण अस्पतालमा राति १०:१५ बजेतिर मृत्यु भएको कार्कीले बताए। प्रहरीले घटनाको अनुसन्धान सुरु गरिएको जनाएको छ।

