

फ्रान्स विश्वकप फुटबलको सेमिफाइनलमा, इङ्ग्ल्याण्ड बाहिरियो

क़तार- इङ्ग्ल्याण्डलाई २–१ ले पराजित गर्दै फ्रान्स विश्वकप फुटबलको सेमिफाइनलमा प्रवेश गरेको छ । आइतबार बिहान कतारको अल बायत रंगशालामा सम्पन्न क्वार्टरफाइनल खेलमा फ्रान्सले इङ्ग्ल्याण्डलाई पराजित गरेको हो ।
फ्रान्सलाई जित दिलाउन औरिलियन र ओलिभर जिरोडले १-१ गोल गरे । यस्तै इङ्ल्याण्डका लागि पेनाल्टीमार्फत ह्यारी केनले गोल गरे भने अर्को पनि पेनाल्टीको अवसर पाउँदा उनले सदुपयोग गर्न सकेनन् ।
खेलको १७ औं मिनेटमा फ्रान्सका लागि औरिलियनले अग्रता लिएका थिए ।
यसैगरी खेलको ५४ औं मिनेटमा ह्यारी केनले पेनाल्टीमार्फत गोल गर्दै इङ्ल्याण्डलाई बराबरीमा फर्काए पनि ७८ औं मिनेटमा जिरोजले फ्रान्सका लागि अर्को गोल गरेर अग्रता बनाए ।
त्यसपछि इङ्ग्याल्यान्डले पेनाल्टीको अवसर पाएपनि ह्यारी केनले मिस गर्न पुगे । त्यसपछि दुबै पक्षबाट थप गोल नभएपछि खेल २–१ मा अन्त्य हुँदै फ्रान्स सेमिफाइनलमा पुग्यो । फ्रान्स अघिल्लो विश्वकपको विजेता समेत हो ।

