उद्योगमन्त्रीका स्वकीय सचिवद्वारा कांग्रेस नेतामाथि बोतल प्रहार
कागजपत्र |
दार्चुला – दार्चुलामा उद्योग वाणिज्य तथा आपूर्ति मन्त्री दिलेन्द्रप्रसाद बडूका स्वकीय सचिवले कांग्रेसकै नेतामाथि बोतल प्रहार गरेका छन् ।
दार्चुलाबाट प्रतिनिधिसभा सदस्यका उम्मेदवार समेत रहेका बडूका स्वकीय सचिव रुपेश विष्टले कांग्रेस क्षेत्रिय समिति सदस्य राजेन्द्र विष्टमाथि बोतल प्रहार गरेका हुन् ।
सोमबार साँझ गोकुलेश्वर बजारको एक होटलमा मदिरा सेवन गरिरहेका बेला आपसी विवादका क्रममा स्वकीय सचिव विष्टले क्षेत्रिय समिति सदस्यमाथि बोतल प्रहार गरेको प्रहरीले जनाएको छ ।
बोतल प्रहारबाट घाइते भएका विष्ट गोकुलेश्वर अस्पतालमा उपचारपछि सोमबार साँझ नै डिस्चार्ज भइसकेको बताइएको छ ।
