अफगानिस्तानको सडक दुर्घटनामा ३० जना घाइते

काबुल – दक्षिणी अफगानिस्तानको जाबुल प्रान्तमा सोमबार ट्रकसँग कार ठोक्किँदा कम्तीमा ३० जना घाइते भएका छन्। काबुल-कन्दाहार राजमार्गमा विवाह समारोहमा जाँदै गरेको माज्दा कार र ट्रक एकापसमा ठोक्किँदा उक्त दुर्घटना भएको खामा प्रेसले जनाएको छ।

दुर्घटनामा परी घाइते हुनेमा महिला र बालबालिका रहेका छन् जसलाई उपचारका लागि नजिकैको अस्पतालमा लगिएको छ भने केहीको अवस्था गम्भीर रहेको छ । दुर्घटनाको कारण अझै पत्ता लागेको छैन।

असावधानीपूर्वक सवारी हकाइ र तीव्र गति अफगानिस्तानमा प्रायः दुर्घटनाहरूको कारण बन्ने गरेको छ । खराब डिजाइन गरिएका सडकहरू, सडक कटान, र ट्राफिक नियमहरूको अवज्ञाले अफगानिस्तानमा ट्राफिक दुर्घटनामा उल्लेखनीय वृद्धि हुने गरेको छ ।