गोदावरी, विष्णुमती, मनोहरालगायत खोलामा बाढी, सतर्कता अपनाउन आग्रह

काठमाडौँ- काठमाडौँ उपत्यकासहित आसपासका क्षेत्रमा गएराति परेको पानीले गोदावरी, हनुमन्ते, विष्णुमती, मनोहरा, नख्खुलगायत साना खोलामा जलसतह बढेको छ।

ती खोला क्षेत्रको आसपासमा बिहान ८ बजेसम्म नै सतर्कता अपनाउन बाढी पूर्वानुमान महाशाखाले आग्रह गरेको छ। अहिले ती नदी जलाधार क्षेत्रमा पानी पर्नेक्रम रोकिएको छ। आज पनि देशभरको मौसम बदली रहने अनुमान छ।