हजयात्रासम्बन्धी खर्चबारे अनुसन्धान गर्न अख्तियारलाई निर्देशन

काठमाडाैं – प्रतिनिधिसभाअन्तर्गतको महिला तथा सामाजिक समितिले हजयात्रा व्यवस्थापनमा भएको खर्चको विषयमा अनुसन्धान गर्न अख्तियारलाई निर्देशन दिएको छ । सिंहदरबारमा सोमबार बसेको समिति बैठकले हजयाता व्यवस्थापनका सम्बन्धमा भएको खर्च लगाएतको बिषयमा भएको भनिएको अनियमितामाथि अनुसन्धान गरि निष्कर्षमा पुग्न अख्तियारलाई निर्देशन दिएको हो ।

बैठकले हजयात्रा व्यवस्थापनामा मुस्लिम आयोगको नेतृत्वदायी भूमिका नरहनुको कारण समितिलाई उपलव्ध गराउन पनि आयोगलाई निर्देशन दिएको छ। आयोगलाई उपलव्ध गराएको बजेट अपेक्षा अनुरुप नभएपनि प्राप्त उपलव्धी जनअपेक्षित नरहेको समितिको ठहर रहेको समिति सभापति निरुदेवी पालले बताइन् ।

उनले समस्या समाधानमा उपलव्ध बजेटको व्यवस्थापन र उपलव्धीमा समितिको गम्भीर चासो रहेको उल्लेख गरिन् । उनले आयोगको रणनीतकि कार्ययोजनाले मूतरुप लिन नसकेको भन्दै मुस्लिम समुदायको समग्र हकहित अभिवृद्धिको लागि नीतिगत, कानूनी सिफारिसमा बढी केन्द्रीत भई कार्यसम्पादन गर्न गराउन पनि आयोगलाई निर्देशन दिइन् ।

बैठकमा मुस्लिम आयोगका अध्यक्ष समिम मियाँ अन्सारीले प्रयाप्त बजेटका कारण कार्यसम्पादनमा समस्या भएको बताएको थिए। उनले आफू सेवासुविधाका लागि मात्र आयोगमा नभएको भन्दै प्रभावकारी कामका लागि सरकारले स्रोतसाधनयुक्त बनाउनुपर्ने तर्क गरे । बैठकमा समिति सदस्यहरुले मुस्लिम आयोगलाई क्रियाशील बनाउनुपर्नेमा जोड दिएका थिए ।