सल्लाघारीमा रुख ढल्दा बस र स्कुटर किचिए, १५ जना घाइते
कागजपत्र |
भक्तपुर – सल्लाघारीमा एउटा रूख ढल्दा बस र स्कुटर किचिएका छन्।
भक्तपुरको सल्लाघारीस्थित इवामुरा अस्पतालनजिकै आइतबार दिउँसो रूख ढलेर सडकमा गुडीरहेका बस र स्कुटर किच्दा १५ जना घाइते भएको जिल्ला प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए।
घाइतेहरूलाई विभिन्न अस्पतालमा उपचारका लागि पठाइएको छ। रूख कसरी ढल्यो भन्ने विस्तृत विवरण आउन बाँकी छ।
घाइते मध्ये केहीको अवस्था गम्भीर रहेको प्रहरीले जनाएको छ ।
प्रहरी टोली अहिले घटनास्थलमै छ। अहिले क्रेनले रूख हटाउने काम गरिरहेको छ।
