प्रतिनिधिसभा विघटनः एमीकस क्युरीको राय सुन्दै प्रधानन्यायाधीश राणाले पढाईदिए संविधान

काठमाडौं– प्रतिनिधि सभा विघटनसम्बन्धी बहसका क्रममा प्रधानन्यायाधीश चोलेन्द्र शमशेर राणाले एमीकस क्युरीलाई संविधानको व्यवस्था पढाएका छन्। एमीकस क्युरीका तर्फबाट बरिष्ठ अधिवक्ता बद्रीबहादुर कार्कीले संवैधानिक इजलाशमा न्यायाधीश थप्नका लागि सुझाव दिएका थिए।

शुक्रबारको बहसका क्रममा प्रधानन्यायाधीश राणाले भने संविधानमा नै त्यस्तो व्यवस्था नरहेको बताएका थिए। बृहत पूर्ण इजलाशको मागबारेको बहस चलेको छ। एमिकस क्युरीमा नेपाल बार एशोसियसनबाट बद्रीबहादुर कार्की, सतिशकृष्ण खरेल र बिजयकान्त मैनालीले प्रतिनिधित्व गरेका छन् भने सर्वोच्च बारबाट पूर्णमान शाक्य र गीता सिटौला छन्।

प्रतिनिधि सभा विघटनसम्बन्धी एक दर्जन रिट संवैधानिक इजलाशमा छन्। सकभर शुक्रबारै उक्त रिटमाथि निर्णय दिने तयारी सर्वोच्चले गरेको छ। त्यसो हुन नसकेको खण्डमा आगामी बुधबार संवैधानिक इजलाशले नै रिटहरूमाथिको निर्णय गर्नेछ।