नेपालमा देखियो ओमिक्रोनको सब भेरियन्ट बीए ५, समुदायस्तरमा संक्रमण बढ्न सक्ने
कागजपत्र |
काठमाडौं – ओमिक्रोन भेरियन्टको नयाँ उपप्रजाति ओमिक्रोन बीए ५ नेपालमा पनि देखिएको छ ।
धुलिखेल अस्पतालले गरेको जिन सिक्वेन्सिङ परीक्षणमा सो सङ्क्रमण देखिएको जानकारी आएको इपिडिमियोलोजी तथा रोग नियन्त्रण महाशाखाका निर्देशक डा. चुमनलाल दासले बताए ।
भारत र अमेरिकामा पछिल्लो समय सङ्क्रमण ओमिक्रोनकै उपप्रजाति बीए ४ र बीए ५ ले बढाएको पुष्टि भइसकेको छ । नेपालमा अहिले बीए ५ कै कारण सङ्क्रमण गराइरहेको भए कोभिड–१९ फेरि समुदायस्तरमा बढ्न सक्ने सङ्क्रामक रोग विशेषज्ञ डा। जनक कोइराला बताउँछन् ।
बीए ५ अहिलेसम्म देखिएका ओमिक्रोनका उपप्रजातिहरूमध्ये झन्डै चार गुणा सङ्क्रामक भएको विश्व स्वास्थ्य सङ्गठनले जनाएको छ ।
