काठमाडौं युएनपार्क नजिकै मोटरसाइकलको ठक्करबाट पैदलयात्रीको मृत्यु
कागजपत्र |
काठमाडौं – काठमाडौंको युएनपार्क नजिकैको पुलमा दुर्घटना हुँदा एक जनाको मृत्यु भएको छ।
शुक्रबार राति काठमाडौं महानगरपालिका-१० युएनपुल नजिकै सडकमा मोटरसाइकलले एक पैदलयात्री वृद्धलाई ठक्कर दिएको हो।
बाग्मती प्रदेश ०२ ०२६ प ०६२७ नम्बरको मोटरसाइकलको ठक्करबाट पैदलयात्री ललितपुर महानगरपालिका-१० बस्ने ७३ वर्षीय मधुरमान मास्केको मृत्यु भएको हो।
उनको सिभिल अस्पताल मिनभवनमा उपचारको क्रममा मृत्यु भएको हो। मोटरसाइकल चालकलाई प्रहरीले नियन्त्रणमा लिएको छ।
