कांग्रेस नेता पौडेलकी छोरी घरको ४ तला माथिबाट खसिन्, ट्रमा सेन्टरमा उपचार हुँदै

काठमाडौं – नेपाली कांग्रेसका नेता रामचन्द्र पौडेलकी छोरी संज्ञा पोखरेल घरको चार तलाबाट खेसर घाइते भएकी छन्।

५० वर्षीया पोखरेल सोमबार घरको चार तला माथिबाट खसेर घाइते भएकी हुन्। उनको राष्ट्रिय ट्रमा सेन्टरमा उपचार भइरहेको छ।

उनको अहिले ट्रमा सेन्टरको सघन उपचार कक्ष (आइसीयू)मा उपचार भइरहेको छ। उनको शरीरको धेरे ठाउँमा चोट देखिएको अस्पातल प्रशासनले बतायो।

उपचारमा संलग्न डा पवन हमालका अनुसार उनको दायाँ तर्फको खुट्टा दुई ठाउँमा भाँचिएको र दायाँ हात पनि भाँचिएको छ। यस्तै कम्मरको हड्डी पनि भाँचिनुका साथै अनुहारमा पनि चोट लागेको छ।

घाइते संज्ञाको ट्रमा सेन्टरका प्रमुख डा. प्रमोद जोशीको नेतृत्वको टिमले उपचार गरिरहेको छ।

यसैबीच मंगलबार बिहान छोरीको स्वास्थ्य अवस्था बुझ्न कांग्रेस नेता पौडेल राट्रिय ट्रमा सेन्टर पुगेका छन्।