राष्ट्र बैङ्कको यात्रा डिजिटल करेन्सीतर्फ : डेपुटी गभर्नर मिश्र
कागजपत्र |
काठमाडौं – नेपाल राष्ट्र बैङ्कका डेपुटी गभर्नर बमबहादुर मिश्रले डिजिटल करेन्सी यात्रातर्फ मुलुक अघि बढेको बताएका छन् ।
राष्ट्र बैङ्कको ६७ औ वार्षिकोत्सव समारोहमा बोल्दै डेपुटी गभर्नर मिश्रले यस्तो बताएका हुन् ।
कागजको नोट चलाउनबाट सुरु भएको राष्ट्र बैङ्कको यात्रा अब डिजिटल करेन्सीतर्फ अघि बढेको उनले बताए । अब भौतिक मुद्रालाई विस्थापित गरी डिजिटल कारोबारलाई अघि बढाउने उनले बताए ।
उनले अर्थतन्त्र बाह्य क्षेत्रको कारण दबाबमा परेको समेत बताए । बाह्य क्षेत्रबाट अर्थतन्त्र मम परेको असरलाई समाधान गर्न राष्ट्र बैङ्कले कहिले कसिलो त कहिले लचिलो नीति लिनुपरेको उनले बताए । कसिलो नीतिहरू अवस्था सहज भएपछि लचिलो हुने साथै लचिलो नीतिहरू पनि समयानुकूल अघि बढ्ने उनले बताए ।
समारोहमा राष्ट्र बैङ्कले पूर्व गभर्नर डा। तिलक रावललाई सम्मान गरेको छ । हरेक वर्ष एक पूर्व गभर्नरलाई सम्मान गर्ने राष्ट्र बैङ्कको परम्परागत अनुसार ११ औँ गभर्नर रावललाई सम्मान गरिएको हो ।
