मोटरसाइकलको चक्कामा सल बेरिँदा लडेर एक युवतीको मृत्यु
कागजपत्र |
काठमाडौं – मोरङको ग्रामथान गाउँपालिका–७ बजरंगबलीमा हिजो (मंगलबार) बेलुकी मोटरसाइकलको चक्कामा आफैँले लगाएको सल बेरिँदा लडेर एक युवतीको मृत्यु भएको छ ।
मृत्यु हुनेमा सुनसरीको इटहरी उपमहानगरपालिका -८ की २१ वर्षीया रेश्मा नेपाली रहेकी छिन् । को ३८ प २२०३ नम्बरको मोटरसाइकलको पछाडि सवार रेश्माले लगाएको लेहेङगाको सल मोटरसाइकलको चक्कामा बेरिँदा उनी मोटरसाइकलबाट लडेर गम्भीर घाइते भएकी थिइन् ।
गम्भीर घाइते भएकी उनको उपचारका क्रममा विराटनगरस्थित विराट नर्सिङहोममा मृत्यु भएको हो । मोटरसाइकल सहित चालकलाई इलाका प्रहरी कार्यालय हरैचाले नियन्त्रणमा लिएको छ ।
