एमाले सांसद बस्नेत र उत्तराखण्डका मुख्यमन्त्री धामीबीच भेटवार्ता

काठमाडौं – भारतको उत्तराखण्डका मुख्यमन्त्री पुष्कर सिंह धामी र नेकपा एमालेका पोलिट्ब्यूरो सदस्य एवं पूर्वमन्त्री महेश बस्नेतबीच भारतको  देहरादुनमा भेटघाट भएको छ।

हालै भारतीय जनताको पार्टीको तर्फबाट मुख्यमन्त्री भएका धामी उत्तराखण्डमा हालै भएको निर्वाचनमा आफ्नो पार्टीलाई अत्याधिक बहुमत दिलाएर चर्चामा आएका थिए । उनको पार्टीले ७० सिट मध्ये ४७ सिटमा बिजय हासिल गरेको थियो ।

धामी भारतीय प्रधानमन्त्री नरेन्द्र मोदीलगायत भारतीय जनता पार्टीको माथिल्लो तहका नेताहरुसँग राम्रो पहुँच भएका र भबिष्यमा केन्दीय तहको जिम्मेवारी लिन सक्ने नेताको रुपमा हेर्न सकिन्छ । नेपालप्रति सकारात्मक दृष्टिकोण राख्ने धामी र बस्नेतबीच आज एक अर्कालाई तुलसीको बिरुवा आदान प्रदान गरेर बधाई शुभकामना साटासाट गरेका थिए ।

भेटघाटका दौरानमा नेपाल, उत्तराखण्ड र विशेष सुदुरपश्चिम क्षेत्रको हितको बारेमा छलफल भएको थियो। धार्मिक पर्यटन, शिक्षा क्षेत्रमा नेपाली विद्यार्थीहरुलाई पढाइमा बिषेश छुट दिने बिषय, महाकाली नदिको कारणले दुई देशका जनतामा देखिएको पारवहन र यातायात सम्स्या सिचाईको समस्या तुइन काटिएर महाकालि नदिमा डुबेका धामीको बिषयमा सौहार्द छलफल भएको थियो ।

उक्त अवसरमा मुख्यमन्त्री धामीले सांसद बस्नेतसँग पशुपतिनाथ र केदारनाथको शीर डोलेश्वर महादेबको दर्शनका लागि नेपाल आउने इच्छा व्यक्त गरेका थिए ।

मुख्यमन्त्री धामीका सचिवालय सदस्य भुवन तिवारीले बैठक निकै सौहर्द भएको बताउँदै पूर्वमन्त्री बस्नेतले नेपाल भ्रमणका लागी मुख्यमन्त्री धामीलाई निम्तो दिएको बताउँदै यथाशीघ्र औपचारिक प्रकृया मिलाएर नेपाल भ्रमण गर्ने जानकारी समेत दिएका छन् ।