बैंकहरुको निक्षेप एकैदिन १३ अर्बले बढ्यो

काठमाडौं- बैंक तथा वित्तीय संस्थामा एकैदिनमा १३ अर्ब रुपैयाँले निक्षेप बढेको छ । नेपाल राष्ट्र बैंकको तथ्यांकअनुसार हिजो चैत १० गते एकैदिन बैंक तथा वित्तीय संस्थामा १३ अर्ब रुपैयाँ थपिएको हो। यो सँगै बैंक तथा वित्तीय संस्थाहरुको कुल निक्षेप ४८ खर्ब ९५ अर्ब रुपैयाँ पुगेको छ।

गत चैत ९ गते बैंक तथा वित्तीय संस्थाहरुको कुल निक्षेप ४८ खर्ब ८२ अर्ब रुपैयाँ रहेको थियो। गत १० गते एकैदिन वाणिज्य बैंकहरुको निक्षेप १२ अर्ब रुपैयाँले बढेको छ। गत चैत ९ गते वाणिज्य बैंकहरुको कुल निक्षेप ४३ खर्ब १३ अर्ब रुपैयाँ रहेकोमा चैत १० गते बढेर ४३ खर्ब २५ अर्ब रुपैयाँ पुगेको हो।