५३ अर्ब बढीको प्रशोधित तेल भारत निर्यात

काठमाडौं – चालू आर्थिक वर्षको पहिलो ८ महीनामा वीरगञ्जबाट ५३ अर्ब १० करोड रुपैंया बराबरको प्रशोधित तेल भारत निर्यात निर्यात भएको छ । गत आवको सोही अवधीमा १६ अर्ब १८ करोड रुपैयाँ बराबरको प्रशोधित तेल भारत निकासी भएको थियो । गत वर्षको सोहि अवधिको तुलनामा यस वर्ष बढेर तीन गुणाभन्दा बढी मूल्यको खाने तेल निर्यात भएको हो ।

चालू आवको फागुनसम्ममा सबैभन्दा बढी भटमासको प्रशोधित तेल भारत निर्यात भएको हो । २७ अर्ब ४६ करोड रुपैयाँ बराबरको १ लाख ९ हजार ७३७ मेटिकटन भटमासको तेल निर्यात भएको भन्सार वीरगञ्ज भन्सार कार्यालयले जनाएको छ ।