विधान विपरित हिँडे सभापति देउवाविरुद्ध संघर्ष गर्ने शेखर कोइरालाको चेतावनी
कागजपत्र |
काठमाडौं – नेपाली काँग्रेसका नेता शेखर कोइरालाले विधि र विधान विपरित हिँडेमा पार्टी सभापति शेरबहादुर देउवाविरुद्ध संघर्ष गर्ने चेतावनी दिएका छन्। सोमबार मोरङ सुन्दरहरैँचाको दुलारीमा आयोजित कार्यक्रममा नेता कोइरालाले पाटीमा विधान विपारीत कुनै पनि क्रियाकलाप भए संघर्षमा उत्रने चेतनवनी दिएका हुन् ।
‘पार्टी सभापति शेरबहादुर देउवा विधि र विधान अनुसार अघि बढेमा सहकार्य हुनेछ, त्यसो नभएको खण्डमा संघर्ष हुनेछ,’ उनले सभापति देउवा विधि र विधान विपरित अघि बढेमा संघर्ष गर्नका लागि कार्यकर्तालाई तयारी रहन निर्देशन समेत दिए।
उनले १३ औं महाधिवेशनमा नेता देउवाले सभापति जितेर पार्टी चलाए जस्तो अब कुनै पनि हालतमा नहुने जिकिर गरे।
उनले आगामी तीन तहकै निर्वाचनमा नेपाली काँग्रेस एक्लै चुनावी प्रतिस्पर्धा गर्ने पनि दावी गरे। काँग्रेस एक ढिक्का भएर चुनावमा गए सहजै चुनाव जित्ने जिकिर समेत गरे।
