६ वर्षीय बालकले १ करोड बढी चोरेपछि…

लन्डन – ६ वर्षीय बालकले १ करोड बढीको चोरी गरेका छन् । लन्डनमा बस्दै आएका इली पारा र मार्टा पारा नामका एक जोडीका ६ वर्षीय छोराले १ करोड ७ लाख बराबरको घडी चोरेका छन् ।

पारा दम्पतीले उक्त घडी चोरी गर्नका लागि छोरालाई सिकाएको जनाइएको छ । उनीहरुले महंगो घडी पसलमा उक्त १८ क्यारेट सुन जडित घडी देखेपछि चोर्ने योजनाका साथ आफ्ना ६ वर्षीय छोरालाई तयार पारेका छन् । उनीहरुले त्यस घडीको ठाउँमा अर्को नक्कली घडी छोरालाई दिएर घडी साट्न लगाएर चोरी गरेका थिए ।

गत सेप्टेम्बरमा भएको उक्त चोरी काण्ड तत्काल पसलेले थाहा पाएका थिएनन् । तर भोलीपल्ट हेर्दा सक्कली घडीको ठाउँमा नक्कली घडी भेटिएपछि प्रहरीलाई खबर गरेका थिए । त्यसपछि रोमानिया जाने तयारीमा रहेका पारा दम्पतीलाई प्रहरीले पक्राउ गरेको थियो ।

प्रहरीले उनीहरुलाई पक्राउ गरी अदालतमा मुद्दा चलाएपछि अदालतले बच्चाका बाबुलाई १८ महिनाको जेल सजाय सुनाएको छ भने आमालाई ८ महिनाको जेल सजाय सुनाएको छ ।