भक्तपुरमा ४ तला माथिबाट खसेर बालिकाको मृत्यु

File Photo

काठमाडौं – शुक्रबार बिहान भक्तपुर नगरपालिका– १० कमलविनायकमा घरको ४ तला माथिबाट खसेर एक बालिकाको मृत्यु भएको छ।

स्थानीय हरिनारायण सितिखूकी १५ वर्षीया छोरी सुनेना सितिखूको आफ्नै घरको ४ तला माथिबाट खसेर मृत्यु भएको महानगरीय प्रहरी परिसर भक्तपुरले जनाएको छ।

घरको ४ तला माथिबाट बिहान ६ः१५ बजे खसेर गम्भीर घाइते भएकी बालिका सुनेनालाई उनका बुबाले उपचारका लागि भक्तपुर अस्पताल लगेका थिए। तर, उपचारकै क्रममा बिहान ६ः३० बजे मृत्यु भएको हो।

घटनाबारे थप अनुसन्धान भइरहेको प्रहरीले जनाएको छ।