को हुन् त क्रान्तिकारी अध्यक्ष पञ्चा सिंह ?
कागजपत्र |
काठमाडौं – नेपाल कम्युनिष्ट पार्टी (नेकपा) माओवादी केन्द्र निकट अखिल क्रान्तिकारीको अध्यक्षमा पञ्चा सिंह चयन भएकी छिन् ।
कालीकोटको महावैमा जन्मिएकी पञ्चा १४ वर्षको उमेरमै २०५८ सालमा भूमिगत भएकी थिइन्।
त्यसपछि सिंह ०५९ सालमा जुम्ला जिल्ला कोषाध्यक्ष भएकी थिइन् । ०६२ मा जुम्ला र कालीकोट जिल्ला अध्यक्षको जिम्मेवारी पाएकी सिंह १७औं महाधिवेशनबाट केन्द्रीय सदस्य निर्वाचित भएकी थिइन्।
सिंहले ०६५ मा भेरी–कर्णालीको संयोजकको जिम्मेवारी पाएकी थिइन् । त्यसपछिका दिनहरुमा केन्द्रीय सचिव निर्वाचित हुँदै हुँदै नरेन्द्र न्यौपाने अध्यक्ष हुँदा पञ्चा उपाध्यक्षको जिम्मेवारीमा थिइन् ।
पञ्चाको वीरेन्द्रनगर बहुमुखी क्याम्पसका पूर्व स्वबियु सभापति एवं माओवादी नेता केशव शाहीसँग विवाह करिब ११ वर्षअघि विवाह भएको हो ।
अखिल क्रान्तिकारीको इतिहासमा महिला अध्यक्ष बनेको यो पहिलो पटक हो ।
