५ वर्षका लागि निजामती दिवसको नारा तय
कागजपत्र |
काठमाडौं – हरेक वर्ष भदौ २२ गते मनाइँदै आएको निजामती दिवसको नारा तय भएको छ ।
यस वर्षदेखि ५ वर्षका लागि नारा तय गरिएसँगै अव हरेक वर्ष नारा छानिरहनु पर्ने अवस्थाको अन्त्य भएको छ ।
मुख्य सचिव शंकरदार वैरागीको अध्यक्षतामा सोमबार बसेको बैठकले २०७८ देखि २०८२ सम्मको लागि नारा तय गरेको हो ।
सरकारले यस वर्ष कोरोना भाइरस(कोभिड-१९)का कारणले कार्यालयमा नै दिवस मनाउन निर्देशन दिएको छ ।
कार्यालयमा दिवस मनाउँदा पनि भौतिक दूरी र स्वास्थ्यका न्यूनतम मापदण्ड प्रयोग गर्नुपर्ने सङ्घीय मामिला तथा सामान्य प्रशासन मन्त्रालयले जनाएको छ ।
