माधव र महन्थको दल दर्ता प्रक्रियाका लागि आयोगले दिएको सनाखत समय सकियो
कागजपत्र |
काठमाडौं – माधव कुमार नेपाल र महन्थ ठाकुर नेतृत्वको दुई अलग-अलग पार्टी दर्ता प्रक्रियाका लागि निर्वाचन आयोगमा सनाखतको काम सकिएको छ ।
माधव कुमार नेपाल (एस) र महन्थ ठाकुर नेतृत्वको (लोसपा) नयाँ पार्टी दर्ता प्रक्रियाका लागि निर्वाचन आयोगमा सनाखतको काम र समय सकिएको हो ।
नेकपा एमालेबाट अलग भएका नेपालले नेकपा एकीकृत समाजवादी र जनता समाजवादी पार्टीबाट अलग भएका महन्थ ठाकुरले लोकतान्त्रिक समाजवादी पार्टी (लोसपा) दर्ताका लागि आयोगमा निवेदन दिएका थिए । उनीहरुले दिएको निवेदनअनुसार सनाखत गर्न आयोगले आज दिउँसो २ बजेसम्मको समय दिएको थियो ।
राजनीतिक दल सम्बन्धी अध्यादेश अनुसार केन्द्रीय समिति वा संघीय सांसदका २० प्रतिशत सदस्यले सनाखत गरेमा आयोगले नयाँ दल दर्ताको प्रमाणपत्र दिने छ । आयोगका प्रवक्ता राजकुमार श्रेष्ठले प्राविधिक समस्या नआए आजै दल दर्ताको प्रक्रिया टुंगो लाग्न सक्ने बताए ।
