नेपाल पक्षका युवा संघ नेता तामाङको नेतृत्वमा बाँडियो २७७५३ मास्क

काठमाडौं– नेकपा एमाले माधवकुमार नेपाल पक्षको युवा संघ नेपालका सचिव तथा बागमती प्रदेशका अध्यक्ष फुर्वा तामाङको नेतृत्वमा कोभिडविरुद्धको मास्क वितरण अभियान सम्पन्न भएको छ।

बगमती प्रदेशका १३ जिल्लामा तामाङलगायत युवा संघका नेता कार्यकर्ताले २७ हजार ७ सय ५३ जनालाई मास्क वितरण गरेका हुन्। कोरोना महामारीमा स्वास्थ्य सजगता अपनाउनका लागि चेतामूलक कार्यक्रम अन्तर्गत मास्क वितारण गरिएको तामाङले बताए।

‘अहिले सबै स्वस्थ्य हुन आवश्यक छ। त्यसैले आफूबाट अरुमा संक्रमण नहोस् भन्नका लागि पनि मास्क अनिवार्य लगाउनुपर्छ भन्ने चेतनाका लागि मास्क वितरण गरेका हौं’, उनले भने।