मध्यभोटेकोशी जलविद्युतद्वारा निष्कासित आईपीओमा माग भन्दा १.११ गुणा बढी आवेदन

काठमाडौं – मध्यभोटेकोशी जलविद्युत् कम्पनीले निष्कासन गरेको आईपीओ सबै विक्री भएको छ ।

विक्री प्रबन्धक ग्लोबल क्यापिटलका अनुसार बुधवारसम्म ६६ लाख ६९ हजार १५३ कित्ताका लागि आवेदन परेको हो । ३१ हजार ५०० जनाले उक्त कित्ताका लागि आवेदन दिएका हुन् । यो माग भन्दा १ दशमलव ११ गुणा बढी हो ।

कम्पनीले साउन ५ गते देखि सिन्धुपाल्चोक जिल्लाका आयोजना प्रभावित क्षेत्रका लागि कुल ६० लाख कित्ता आईपीओ निष्कासन गरेको हो ।

कुल कित्तामध्ये सिन्धुपाल्चोक जिल्लाको भोटेकोशी गाउँपालिका वडा नं ९साविक लिस्ती गाविस र मार्मिङ गाविसु० १ र ५ ,बाह्रविसे नगरपालिका वडा नं ५ र ६ ९साविक गाती गाविस० तथा बाह्रविसे नगरपालिका वडा नं ७ र ८ ९साविक घुमथाङ गाविस र मानेश्रा गाविस० का बासिन्दाका लागि १८ लाख कित्ता र माथि उल्लेखित स्थानिय बाहेकका सिन्धुपाल्चोक जिल्लाका अन्य स्थानीयका लागि ४२ लाख कित्ता आईपीओ छुट्याएको छ ।

उक्त शेयर खरीदका लागि आवेदन दिँदा न्यूनतम ५० कित्ता देखि ४०० कित्ता सम्ममा आवेदन गर्न सक्नेछन् । आवेदकले साउन १७ गतेसम्म आवेदन दिन सक्नेछन् ।

उक्त समयमा माग अनुसार आवेदन नपरेमा भने साउन ३२ गतेसम्म आवेदन गर्न पाउने कम्पनीले जानकारी गराएको छ । आवेदकले सिन्धुपाल्चोक जिल्लामा ३६ ओटा र काठमाडौंमा ७ ओटा संकलन केन्दबाट दरखास्त फारम भर्न र रकम बुझाउन सक्नेछन् ।

साथै, आस्बा सदस्य बैंक तथा वित्तीय संस्थाबाट पनि आईपीओ भर्न सक्नेछन् । कम्पनीले यसअघि वैशाख २१ गतेदेखि विक्री खुला गरेकोमा कोरोना भाइरस रोकथामका लागि गरिएको निषेधाज्ञाका कारण बैंशाख २४ गतेदेखि स्थगित भएको थियो ।

कम्पनीले पहिलो चरणमा स्थानीय बासिन्दाका लागि निष्कासन गरेपछि दोस्रो चरणमा ९० लाख कित्ता आईपीओ सर्वसाधारणको लागि निष्कासन गर्नेछ ।