चार्जबाट मोबाइल निकाल्ने क्रममा करेन्ट लागेर महिलाको मृत्यु
कागजपत्र |
काठमाडौं- खोटाङमा मोबाइल चार्जबाट छुटाउने क्रममा करेन्ट लागेर एक जनाको मृत्यु भएको छ ।
मृत्यु हुनेमा वराहपोखरी गाउँपालिका-४ फाक्टाङकी २५ वर्षीया इन्द्रा राई रहेकी छन् ।
प्रहरीका अनुसार सोमबार राति मोबाइल चार्जबाट छुटाउने क्रममा उनलाई करेन्ट लागेको थियो । करेन्ट लागेर घाइते भएकी उनलाई उपचारका लागि अस्पताल लैजाने तयारी गर्दा गर्दै मृत्यु भएको हो ।
घटनाबारे थप अनुसन्धान भइरहेको प्रहरीले जनाएको छ ।
