प्रतितोला २ हजारले घट्यो सुनको मूल्य

काठमाडौं — नेपाली बजारमा सुनको मूल्य प्रतितोला दुईहजार रुपैयाँले घटेको छ ।

नेपाल सुनचाँदी व्यवसायी महासंघका अनुसार, आज सुन प्रतितोला एक लाख ८४ हजार ८०० रुपैयाँमा कारोबार भइरहको छ ।

सोमबार एक लाख ८६ हजार ८०० रुपैयाँमा कारोबार भएको थियो ।

आज चाँदी प्रतितोला १० रुपैयाँ बढेर एकहजार ९७० रुपैयाँमा कारोबार भइरहेको छ । सोमबार चाँदी प्रतितोला एक हजार ९६० रुपैयाँमा कारोबार भएको थियो ।