१०४ दिनपछि भोलिदेखि काम सुरू गर्दै प्रशासकीय प्रमुख गुरागाईं
कागजपत्र |
काठमाडौं — काठमाडौं महानगरपालिकाका प्रमुख प्रशासकीय अधिकृत सरोज गुरागाईंले भोलि (शुक्रबार)देखि मात्र सेवा थाल्ने भएका छन्।
आज बसेको बैठकले उक्त निर्णय गरेको महानगरपालिकाका प्रवक्ता नवीन मानन्धरले जानकारी दिए।
आज अवरोधबीच कार्यालय फोडेर वडाध्यक्ष र कर्मचारीहरूले गुरागाईंलाई प्रवेश गराएका थिए। त्यसपछि महानगर प्रमुख बालेन साह बिना नै बैठक बसेको थियो। उनी ३ महिना १४ दिनपछि महानगर कार्यालय प्रवेश गरेका थिए ।
‘आजको बैठकले भोलिदेखि उहाँले कर्मचारीहरूलाई सेवा दिने निर्णय गरेको छ,भोलिदेखि सेवाग्राहीहरूले सेवा पाउनुहुने छ,अबदेखि उहाँको प्रवेश सहज हुनेछ,’ उनले भने।
