एयर इन्डियाको जहाजमा भेटिएन बम
कागजपत्र |
काठमाडौं- काठमाडौंबाट भारतको दिल्ली उड्न लागेको एयर इन्डियाको जहाजमा बम रहेको भन्ने सूचना हल्ला मात्रै रहेको खुलेको छ।
नागरिक उड्डयन प्राधिकरणका सूचना अधिकारी ज्ञानेन्द्र भूलले एयर इन्डियाको २१५ नम्बरको जहाजमा बम राखिएको भ्रामक सूचना रहेको बताए । सुरक्षा जाँचपछि अहिले यात्रु बसाउन सुरु गरिएको उनले बताए । केही नभेटिएपछि पुन: उडान गर्न लागेको उनले बताए ।
सोमबार उक्त जहाज काठमाडौंमा अवतरण भएपछि भारतबाट जहाजमा बम राखिएको सूचना आएको थियो ।
