सिन्धुपाल्चोकमा पहिरोमा परि पूर्ववडाध्यक्ष दम्पतीको मृत्यु

सिन्धुपाल्चोक — लगातारको वर्षापछि आएको पहिरोमा परि सिन्धुपाल्चोकमा दुई जनाको मृत्यु भएको छ ।

जिल्लाको लिसंखु पाखरमा गएको पहिरोमा परि लिसंखु पाखर –३ का पूर्व वडाध्यक्ष समेत रहेका काजीबहादुर लामा र उनको श्रीमतीको मृत्यु भएको लिसंखु पाखर गाउँपालिकाका अध्यक्ष राजु लामाले जानकारी दिए ।

पुरानो घरमा सुतिरहेको बेला राति १ बजे तिर आएको पहिरोले दुवै जनाको मृत्यु भएको अध्यक्ष लामाले जानकारी दिए । पहिरो गएको थाहा पाएपछि राती नै स्थानीय उद्धारमा गएका थिए ।

सिन्धुपाल्चोकको अन्य विभिन्न क्षेत्रमा पनि अविरल वर्षाको कारण जनजिवन प्रभावित भएको छ ।

सुनकोशी नदीले खतराको तह पार गरेको छ । अरनिको राजमार्ग लगायत अन्य सहायक मार्गहरुमा पहिरोले सडक अवरुद्ध भएको छ ।