बैंककको होटलमा ६ जना विदेशी मृत फेला

बैंकक (थाइल्याण्ड)- बैंकक शहरको एउटा होटलमा ६ जना विदेशी नागरिक मृत अवस्थामा फेला परेका छन् ।

होटलको एउटै कोठामा तीन पुरुष र तीन महिलाको शव फेला परेको र मृत्युको कारण भने खुल्न नसकेको महानगरीय प्रहरी ब्युरो आयुक्त थिती साङ्सावाङले बताए ।

होटलको कोठामा शङ्कास्पद वस्तु फेला परेकाले घटनास्थलमा झगडाको कुनै सङ्केत नभेटिएकाले प्रारम्भिक अनुसन्धानबाट घटना विष सेवन भएको हुनसक्ने उनले बताए ।

थाइल्याण्डका प्रधानमन्त्री श्रेथा थाभिसिनले जनतामा कुनै असर नहोस् भनेर घटनाको छानबिन गर्न आदेश दिएका छन् ।